[蘋果日報 2013-09-13]《夜蒲3》胸軍出動「臭口芭比」唧出半個砵仔糕 今日一班《喜愛夜蒲3》演員好似雨僑咁，已經率先喺微博放出晒胸相，其實佢哋成班演員係去咗西貢海面拍攝「大晒冷」場面，有成超過35個水著女拋胸倒奶，真係風平浪靜都隨時暈船浪! 咁要「凸」圍而出，無非都係嗰幾招啦，「臭口芭比」夏尉喻（Barbie）35D上圍一向澎湃，不過都係要打晒底加墊，仲成半個砵仔糕唧晒出嚟，雖然好肉酸，但都叫做成功搶到小小鏡。

[成報 2013-08-21] 雨僑擔正 Jeana搶有利位置 電影《喜愛夜蒲3》因DaDa陳靜突然退出導致戲中角色與戲分有大改動，昨日一眾演員與導演錢國偉出席再次舉行的開鏡拜神儀式，三位新女主角許奕妮、雨僑與何佩瑜大鬥法，除了事前傳出三人爭戲分外，昨日於現場鬥身材之餘亦極力爭取站於有利位置搶鏡。 　　現場最性感的分別是Jeana與Barbie，穿着窩釘Bra Top的寸嘴Barbie更被錢國偉改名為「寸嘴菠蘿釘」，而切燒豬時雨僑亦擠開Jeana站於有利位置，雨僑經理人公司亦再次發出角色表以證明她才是第一女主角，還未正式開拍已經連場風波...

[太陽報 2013-08-21] 有人歡喜有人愁 寸嘴Barbie加戲變菠蘿釘 35D的「寸嘴Barbie」夏尉喻昨日以「窩釘Bra Top」上陣，展示導彈上圍。對於陳靜（DaDa）退出令其戲份大增，她坦言感到幸運和感恩：「少咗機會同DaDa交流感到好可惜，我一直冇故意主動爭取，其實做演員好被動。」對於被導演錢國偉笑她是「寸嘴菠蘿釘」，她亦笑說：「冇所謂啦！件衫係美指負責。」至於戲份被刪的蕭美卡（Mika）則說：「今次係有比較大嘅變動，係有少少唔開心，突然被刪咗戲份。」問到會否埋怨DaDa，她說：「唔會，佢仲未有消息，公司會同佢溝通。」而導演錢國偉否認因DaDa與Mika同一公司而遭刪戲，他說：「所有人都有調動，仲有壯烈犧牲嘅王宗堯，希望再有機會同佢合作，何佩瑜都好幫手加入，佢公私分明。」錢國偉又表示施念慈已多次致電表示對不起：「大家都唔想，知佢都好頭痛唔知點算。知道佢哋仲有長約，唔知佢會唔會出尋人啟事。（追討賠償中？）會從法律途徑。（永不錄用陳靜？）冇諗呢啲。」

[蘋果日報 2013-08-20] 最怪胸：寸嘴Barbie迫爆35D 不停「飛釘」 陳靜（DaDa）突然「潛水」後，導演錢國偉要將《喜愛夜蒲3》戲份重新洗牌，今日部戲又再搞開鏡，一班女星鬥谷胸鬥性感，「寸嘴Barbie」夏尉喻窩釘Bra top上陣，大晒35D身材。不過寸嘴Barbie個胸真係太大，大到跌落個肚咁滯，冇乜美感囉，而且彎腰時有啲凸腩，結果比錢國偉幫佢改名叫「寸嘴菠蘿釘」。 至於DaDa因為退出唔演《夜蒲3》，有傳連累到王宗堯及蕭美卡（Mika）等人戲份也被刪，今日Mika都有出席開鏡儀式，佢仲露底搶鏡，Mika直認戲份被Cut，係有少少唔開心，但唔會埋怨DaDa。 不過錢國偉否認刪減Mika及王宗堯戲份，佢只係話想將角色大洗牌：「絕對係想將以前嘅嘢洗牌再嚟過，所以今日叫做『洗牌再嚟過』。王宗堯雖然壯烈犧牲咗，但我都會補番啲戲俾佢，大家再合作機會都好多，好多謝佢嘅諒解。」